Natsubibo ba si Sen. Panfilo “Ping” Lacson ng source na anak ng surot!?

0
51


BUKOD sa isyu ng barko-barkong smuggling ng semento na kinasasangkutan ng anak ni Senator Panfilo Lacson, na si Pampi Jr., pumuputok na rin ang pangalan ng isang lady boy na kung tawagin ay ‘anak ng surot.’

‘Yan daw ‘anak ng surot’ ay isa sa mga kasosyo ni Pampi Jr., sa kanyang ‘pagpaparating’ ng barko-barkong semento. Hindi lang natin alam kung nasa papel ba ang pagsososyo nila o sosyo sa diskarte lang sa customs?!

Tinawag na ‘surot’ ng isang ex-president ang tatay ni lady boy dahil kayang-kaya nitong ‘sumuot’ at ‘sumuksok’ sa kahit kaninong kampo na ang layunin ay magsulsol ng destabilisasyon.

‘Nakasuksok’ umano ang nasabing lady boy na anak ng surot sa Bureau of Customs (BoC) noong panahon ni Commissioner Ruffy Biazon.

Nagtamasa umano nang husto sa panahon ni Biazon at nakakonek sa Office of the Commissioner at sa accreditation ng mga kompanya.

Ang anak din umano ng ‘surot’ ang naghatag ng mga consignee for hire kaya namayagpag nang husto sa Customs.

Diyan mahusay ang pamilya surot. Magaling kumonek nang kumonek kaya kahit ang nagkonek sa kanila kayang-kaya nilang i-destabilize.

Kahit itanong pa ninyo kay ex-president at ngayon ay Rep. Glorica Macapagal Arroyo.

Bukod kay lady boy, madikit o kasosyo din umano ni Pampi Jr., ang isang ex-customs official na ‘nasilat’ noong panahon ni PGMA dahil sa unexplained wealth kaya nag-resign na lang, kaysa masampahan ng kaso at mabawian ng tagong-yaman.

Tinangkang makapasok sa administrasyon ni PNoy pero muling nabigo kaya ngayon sa administrasyong Duterte ay gumagawa ng paraan para muling makapasok.

Sabi ng source, mukhang kinoryente si Sen. Ping ng ‘anak ng surot’ at ng ex-Customs official.

Kaya nang rumesbak si outgoing Customs Commissioner Nick Faeldon, hindi na lumutang ang dalawa at hinayaang masalang ang mag-amang Lacson.

Wattafak!?

Ibig sabihin naisahan ang mag-amang Lacson?! Kuwidaw, Senator Ping, kilalang mabilis pa sa Hunyango kung magpalit ng kulay ang tatay na surot, kapag nagkataon, mukhang natsubibong tuluyan kayong mag-erpat?!

Arayku!

C/INSP. JOVIE ESPENIDO
ITINALAGA NA NI TATAY
DIGONG SA ILOILO CITY

KAHAPON, ginawaran ng “Order of Lapu-Lapu” si police Chief Inspector Jovie Espenido sa pagdiriwang ng National Heroes Day sa Taguig City.

Bago ito, ginawaran din si Espenido ng Magalong Medal, na iginagawad sa mga opisyal o kawani ng pamahalaan na nakapagbigay ng “extraordinary service” na nakapag-ambag nang malaki sa tagumpay ng kampanya o adbokasiya ng isang pangulo.

Pero hindi ang award ni Espenido ang pinag-uusapan sa social media.

Tinututukan ng netizens ang pagtatalaga sa kanya ng Pangulo sa Iloilo City na ang nanunungkulang alkalde ay si Jed Patrick Mabilog.

Pinsan ni Senator Franklin Drilon at sinasabing nasa talaan ng narco-politicians.

Magugunitang si Espenido ay dating nakatalaga sa Albuerra, Leyte, noong nanunungkulang mayor si Rolando Espinosa Sr., ang tatay ng sinasabing big-time drug lord na si Kerwin Espinosa.

Ang matandang Espinosa ay napatay sa loob ng bilangguan ng mga pulis na magsisilbi ng arrest warrant.

Si Espenido ay nalipat sa Ozamiz City na ang mayor ay si Reynaldo Parojinog na kamakailan ay napatay kasama ang 14 iba pa ng tropa ng pulisya.

Kaya nang italaga ng Pangulo si Espendido sa Iloilo City, marami ang naniniwala na next project na ang drug lords sa Iloilo.

At ‘yan ang kaabang-abang sa bagong destinasyon ni C/Insp. Jovie Espenido.

 

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

 

BULABUGIN
ni Jerry Yap



All Credit Goes There : Source link

Comments

comments