Body cameras sa raiding operatives dapat ipatupad

0
50


MARAMING aral na mapupulot ang mga awtoridad sa pagkakapaslang sa binatilyong si Kian Loyd delos Santos.

Isa na rito, ang rekesitos na kailangan magsuot ng body camera ang law enforcers na nakatalaga sa mga ahensiya ng pamahalaan na nagsasagawa at nagsusulong ng anti-illegal drug war ng administrasyong Duterte. Lalo sa panahon na sila ay magsasagawa ng pagsalakay.

Kung mayroong body camera ang mga operatiba na nagsasagawa ng pagsalakay, makikita ang kabuuan ng kanilang operasyon.

Makikita sa body camera ang aktuwal na insidente dahil nairekord ito.

Sa pamamagitan rin ng body camera, makikita kung ano talaga ang tunay na pangyayari.

Malaking tulong ito upang hindi masabotahe ang isinusulong na kampanya ng Pangulo.

Gaya ngayon, matapos ang naganap na pagpaslang kay Kian, wala na tayong narinig na ginawang pagsalakay ang mga pulis sa mga tukoy na drug den at lalong wala tayong nababalitaan na ginagawang pagdakip sa mga big-time drug offenders.

Bakit nga ba, PNP chief, Director General Ronald Bato?

Natakot ba ang mga adik at tulak?! O natakot ang mga pulis?!

Panahon na para tiyakin ng pulisya na sila ay tumutupad nang tama sa atas ng Pangulo at ni Gen. Bato.

At mangyayari ito kung aktuwal na mairerekord ang mga pangyayari.

Sa pamamagitan nito, sabi nga ng isang mambabatas, matitiyak ang transparency at accountability sa pagpapatupad ng pamahalaan ng giyera kontra ilegal na droga.

Kung hindi dahil sa CCTV camera, hindi matutuklasan ang tunay na insidente sa pagpaslang kay Kian.

Salamat na lamang at may CCTV ang barangay.

IMBESTIGASYON
SA RECOGNITION
FOR SALE, KAILAN
SoJ VITALIANO
AGUIRRE!?

HABANG inaabangan ng lahat kung ano ang kahihinatnan ng imbestigasyon ng Ombudsman tungkol sa nangyaring bentahan ng ‘instant’ Filipino citizenship sa Bureau of Immigration (BI), marami ang nagtatanong kung kaninong panahon ng mga umupong Justice secretary nangyari ito.

Bakit nga raw ito pinalusot nang ganoon na lamang ng Department of Justice (DOJ) gayong ang recognition as Filipino citizen ay daraan muna sa approval ng Secretary of Justice bago ito ipatupad ng nakaupong BI-Commissioner o OIC.

If my memory serves me right, ang lola Leila de Saba ‘este De Lima ninyo ang kasalukuyang DOJ secretary noong mga panahong ‘yun!

Sonabagan!

Tumpak!

Siya mismo ang newly appointed noon na ulo ng DOJ nang panahong umupo as OH I SEE ‘este BI-OIC si Atty. Roy Ledesma.

Ibig sabihin nakalusot sa pang-amoy ng lola n’yo ang katiwalian noong mga panahong ‘yun!?

Well, since magulo pa ang administrasyon ng mga dilawan noon dahil sa transition kaya naman hindi nakapagtataka na na-overlook ng DOJ Secretary ang kaaliwaswasan na ito sa BI. Ayon sa ilang beterano sa Immigration main office, kaya pala para lang namumulot ng kamatis sa bukid ang mag-BFF na fixers na sina alias Betty Chuawawa at Anna Seenghot kung makapagpa-approved ng recognition noong panahon na ‘yun!?

Susmaryosep!

Para palang natokhang tayo ng dalawang notoryus na fixer na ‘yan?!

Isipin ninyo kung gaano kalaki ang 300K-500K halaga per approved recognition noong mga panahong iyon.

Skyrocketing kumbaga!

E kahit nga mga patay nang tsekwa nagagawa pang buhayin at gawing instant Pinoy!

Napakalaking kasalanan sa sambayanan ‘yan!

And knowing how hate ni SOJ Vitaliano Aguirre ang lola Leila de Lima n’yo, I’m sure hindi niya palalampasin ang isang imbestigasyon na magmumula sa departamento niya. Nakupo!

Naloko na!

Dapat talaga umpisahan na ang isang investigating panel bago pa man maunahan ng kamara at senado.

This calls for your attention, SOJ Aguirre, Sir!

Imbestigahan na ang ‘Citizenship For Sale’ na ‘yan!!!

 

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

 

BULABUGIN
ni Jerry Yap



All Credit Goes There : Source link

Comments

comments